top of page

Les paroles du jorn que vos trovâd ique sant translatâyes vôdouès (joratês) châque jorn dessus lo sito de Logosquotes.

Lo 1iér de dècembro

La politica ‘l est pas l’ârt du possiblo. Son afére, el est de cièrdre (chouèsir) entre la plles granta mèchance (mâlchance, mâlhôr) et lo dèsagrèment. John Kenneth Galbraith (1908 - 2006), èconomisto amèriquen.

Lo 2 de dècembro

Un politicare (homo politico) dêt étre cabâblo de dere a l’avance cen que vat arrevar deman, la senana que vint, lo mês que vint et l’an que vint. Et en aprés dêt povêr explliquar porque cen n’est pas arrevâ. Winston Churchill.

Lo 1 de dècembro

Tandis (pendent) sa via on hommo pôt changiér de fèna, de parti politico ou de religion : mas, … de cen que pôt pas changiér ‘l est d’èquipa de foutebâl. Eduard Galeano (jornalisto sportif argenten).

Lo 30 de novembro

Lo foutebâl ‘l est pas ren qu’on afére de via ou de môrt, ‘l est oquie (quârque chouse) de plles emportent. Bill Shankly (foutebâlor britanico).

Lo 29 de novembro

Lo foutebâl (bâlapied) pllét u popllo por cen que la bètaniér (bètise) lui pllèt. Jorge Louis Borges.

Lo 28 de novembro

Les amis, ‘lest cet’empartia (partia) de l’humanitât que tu pôs étre avouéc lor un homo veretâblo.  George Santayana (1863-1952) filosofo, ècriven, poèto, essèyisto èspagnole mas de lenga englêse.

Lo 25 de novembro

Pasolini ‘l est yu tuâ en 1975 et o est surprenent de vêre gouèro una solèta vouèx que sè quièse pôt cotar cher a tot un poplo. Aramcheck

Lo 24 de novembro

Lêsside-mè vos dere una chousa que ‘l est por cen que nos, Israèliens, nos ens oque (quârque chousa) contro Moïse: o est que nos at fêt marchiér tandis quarant’anâyes per lo dèsèrt por nos amenar dens lo solèt câro du Prouche-Orient yô il y at pas de pètrolo. Golda Meir

Lo 23 de novembro

Su pas communisto. Cen pu pas mè lo permèttre. Ennio Flaiano (1910-1972), ècriven et mètor en scèna ètalien.

Lo 22 de novembro

Un bouèbo prés d’una grange vêt ben hiôt passar un aèroplano et rêve d’un payis ben luen. On voyâjor dens l’aèroplano vêt la grange et rêve a son hotâl (sa mêson). Karl Burns (1958), musicare (musicien) anglès.

Lo 18 de novembro

La mêtiêt du mondo ‘l est fête de gens que ‘l ant oque (quârque chousa) a dere mas que pôvont pas cen dere, et l’ôtra mêtiêt n’at ren a dere, mas bochie (arrète) pas de cen dere. Robert Lee Frost (1874 – 1963), poèto amèriquen.

Lo 16 de novembro

Lo temps des “a deman”, des demi-mesures, des mique-maquâjos por rassurar et enjornar (trompar), des termos, celi temps ‘l est ben-setout u bet. Por les rempllèciér nos entrens dens lo temps de cen que s’en chêt (des consequences). Winston Churchill

Lo 15 de novembro

Môdita sêt ceta vouèrbetta de bônhor que m’at fêt mâlherox por adés. Franco Trincale (1935), chantor ètalien.

Lo 11 de novembro

Tu crês dês lo jorn que por lo premièr viâjo tu ris de tè-mémo. Ethel Barrymore, nom d'artisto de Ethel Mae Blythe (1879-1959), actrice amèriquêna.

Lo 10 de novembro

Les idês sant plles pouessentes que les armes nuclèâres. Fidel Castro

Lo 9 de novembro

On fanatico ‘l est un côrps que redroble ses ècôches (èfôrts) quand ‘l at obllâ yô vôt alar. George Santayana, veretâblo nom : Jorge Agustín Nicolás Ruiz de Santayana y Borrás (1863-1952), ‘l est un filosofo, ècriven, poèto et mousôr (pensôr, èssêyisto) èspagnol, de lenga engliche.

Lo 8 de novembro

L’ensègnent passâblo sè contente de dere; lo bon ensègnent 'l èspllique, lo tot bon prove, lo grand enspire. William Arthur Ward (1921-1994) ècriven amèriquen, cognu por ses reviérs (provèrbos), ses musanes (pensâyes) et ses citacions.

Lo 7 de novembro

Lo rassovenir (sovenir) lêssiê per un lêvro ‘l est plles emportent que lo lêvro lui-mémo. Gustavo Adolfo Bécquer (Gustavo Adolfo Claudio Domínguez Bastida, 1836-1870) ècriven et poèto èspagnol.  

Lo 4 de novembro

La rechèrche de la pèrfèccion empache sovent la mèlyoracion. George Frederick Will, jornalisto amèriquen vegnu u mondo en 1941. 

Lo 3 de novembro

Les jouenos coblos pôvont pas imaginar tot cen que dêvont a la tèlèvision. Dens lo temps, lor falyêt oncora dèvesar ensemblo. Isidoro Loi, ècriven èspagnol.

Lo 2 de novembro

Les grantes amôrs s’emmodont recta d’ense; asse-tôt que tu la vês, tu dis: câl ‘l est ceta guelyupa (feniôla)? Ennio Flaiano (1910-1972) ècriven, jornalisto, humôristo, critico italien.

Lo 31 d'octobro

Se ‘na fèna ‘l est mâl vetua ‘l est sa vetura que tu remarques, mas se ‘l est ben adrêt, ‘l est el que tu remarques. Coco Chanel.

Lo 28 d'octobro

Fondar des bibliotèques ‘l est come bâtir des gôrnês (greniérs) comons, emmouelar des rèserves por un hivèrn de l’èsprit que, d’après quârques endicacions, et a contre-côr, vèyo venir. Marguerite Yourcenar.

Lo 27 d'octobro

Plles nos nos èlevens plles nos devegnens babiôles. Friedrich Nietzsche

Lo 26 d'octobro

La via pôt étre admirâbla se tè fât pas pouere. Charlie Chaplin

Lo 25 d'octobro

Les politicares sont tot justo les vâlèts des gens de banca.  Ezra Pound  (1885-1972). Poèto amèriquen que s’est enstalâ en Eropa, dens l’italia mussolinièna de laquinta partagiéve les idês.

Lo 24 d'octobro

‘L est ren que  quand fât prôd sombro que te pôt vêre les ètêles. Martin Luther King

Lo 21 d'octobro

Lo temps et l’hora passant, mémament tandis lo plles dur des jorns. William Shakespeare

Lo 20 d'octobro

Ècriso pas mon nom su les lêvros qu'achiéto; cen fés pas dèvant que les ausse liès, por cen que ‘l est ren qu'a ceti moment que pu dere que sant a mè. Carlo Dossi (1849 - 1910). Son veretâblo nom ‘l est Carlo Alberto Pisani. Ecriven et politicare italien.

Lo 19 d'octobro

On mouél de gens amerant ben èvitar de payiér des empôts, mas il y at ren que les plles richos qu’ôsont cen fére. Adonc, fôt que les pouros sachont que lor fôt payiér a lor place. William Carl Brown, ècriven ètalien vegnu u mondo en 1960 per Brescia.

Lo 18 d'octobro

Plles lo côrp est fêblo, plles comande, plles ‘l est fôrt, plles ‘l obye. Jean-Jacques Rousseau.

Lo 17 d'octobro

Dens châque cinico, il y at un idèalisto dèpitâ. George Carlin, 1937-2008, humôristo et actor amèriquen. 

Lo 14 d'octobro

Les homos que savont lo mielx sè dèbrolyér (dègremeliér, dèmècllar, dèvoudre) avouèc les fènes sant adrêt les mémos que savont sè dèbrolyér sens els. Charles Baudelaire.

Lo 13 d'octobro

N’é jamês permêt a l’ècoula de sè mècllar de mon èducacion. Mark Twain (1835 - 1910), ècriven amèriquen.

Lo 12 d'octobro

Avêr yu una boun’èducacion, ux jorns de houè, ‘l est tot qu’on aventâjo, cen vos prive d’un mouél de chouses. Oscar Wilde

Lo 11 d'octobro

‘L est mâre-solèt a avêr des conviccions cetisse que n’at ren crosâ ben prèvond. Emile Cioran

Lo 10 d'octobro

‘L est la marqua d’un corps qu’at min (pouent) d’èxpèrience que pas crêre a la chance. Joseph Conrad (1857 - 1924), ècriven polonês

Lo 7 d'octobro

Et por pas étre larrounâ (robâ, dèplomâ) ils confiant lor fèrrettes (argent) ux gens de Banques. Sens nom.

Lo 6 d'octobro

La  cognessence ‘l est un outil manèyê per celor qu’ensègnant por fabrequar des ensègnants que, en aprés, fabrequerant des gens por ensègniér. Simone Weil

Lo 5 d'octobro

Tant muens les gens en savant su la manêre de fabrequar les socesses et les louès, tant miéx dromant tandis la nuèt. Otto Von Bismark

Lo 4 d'octobro

Por étre patrioto, tè faut dègogniér (mèprisiér) totes les nacions et pas la tina, por étre religiôx, totes les religions a pârt la tina ; por étre honnéto, tués les comportements a pârt lo tin. Lionel Strachey (1864 - 1927) ècriven, translatâor, humôristo.

Lo 3 d'octobro

Un govèrnement ‘l est una nave (navél) que ‘l est solèette a prendre l’éguie per l’amont.  James Reston (1909-1995) jornalisto des Ètàts Unis.

Lo 29 de septembro

Qu’il y eye des lengâjos diffèrents, ‘l est yon des grands mistèros de l’humanitât. Elias Canetti

(il est un ècriven vegnu u mondo en Bulgaria en 1905 et que s’èsprime en tuche. Son ôvra ‘la dèfendu una idê pluralista de la cultura eropèèna dens sa rechèca et sa diversitât. Il a reçu lo prêx Nobel de litèratura en 1981. Il at sobrâ/il est môrt per Zurique en 1994.)

Lo 29 de septembro

La politica, que ‘l est l’ârt de s’ocupar des chôses publiques est l’ôvra de politicaillons que sant des èspèciâlistos des aféres privâyes. Carl William Brown (ècriven ètalien nèssu à Brescia en 1960)

Lo 28 de septembro

La justice n’est ren d’ôtro que la convenence du plyes fôrt. Platon

Lo 27 de septembro

Amar son ènemi (come dèmande l’èvangilo) n’est pas ‘na tâche possibla por un hommo mâ por un ange. Jorge Luis Borges  (1899 - 1986)

Lo 26 de septembro

Les hommos ‘lant ben pou de rèspèct por les ôtros, mas n’en ant pas un mouél por lor-mémo. Léon Trotsky

Lo 23 de septembro

L’èspagnol ne sarat pas veretâblament una lengoua de cultura, asse grand temps que la science ne sarat pas ècrite en èspagnol. Angel Martín Municio (ècreven èspagnol)

Lo 22 de septembro

Lo 21 de septembro

Lo plèsir de vivre sens pêna vaut ben la pêna de vivre sens plèsir. Saint Augustin

Lo 20 de septembro

Nos ens fôta de grand, grand temps por venir joueno. Pablo Picasso

Lo 19 de septembro

Diô sê béni, crèyo pas en lyé.  Luis Bunuel

Lo 16 de septembro

Quand les missionèros sant arrevâs, les Afriquens o avant lo payis et les missionèros o avant la Bibla. Nos ant aprês a prèyiér les gets cllôs. Quand nos les ens uvèrt, lor, o avant lo payis et nos la Bibla. Jomo Kenyatta (Jomo Kenyatta o a ètâ un hommo politico du Kènia, ion des chèfs de la luta contro la dominacion coloniala britaniqua et lo premiér prèsident du Kènia endèpendant. Wikipedia)

Lo 12 d'oût

Penso pas que vos voléd trop de sincèritât dens la sociètât. Sarêt come un trâb de fèr dens on châtél de cârtes. William Somerset Maugham

Lo 1 de jouen

Los bens en trop rendont la via inutila. Pier Pasolini

Lo 18 de mê

Vos éte la damusalla Smith, la felye du Smith de la banca que ‘l est ben des viâjos milyonéro, o est-te pas? Na? Èxcusâde-mè, j’é cru una vouèrbetta que j’éro chesu amouerox de vos.

Groucho Marx.

Lo 17 de mê

Dèpolyér, tuar, robar, a cen, balyont des noms tot fôx, ils y balyant a nom "empiro" et yô fant lo dèsèrt, diant que fant la pèx.

Tacitus (P. Cornelius Tacitus) (55 d.C. ?-120 d.C.?).

Lo 30 d'avril

La traduccion est la forma la plles provonda de la lèctura.

Gabriel Garcia Marquès.

Lo 14 d'avril

Tè fôt dere qârques viâjos la veretât, por que tè crèyont quand te derés des dzanlyes.

Jules Renard

Lo 13 d'avril

T'as ren qu'a mèlyorar quârqu'on por lo fotre avâl.

Oscar Wilde

Lo 12 d'avril

La tèlèvision el at l’acuèt du lion, la tèlèvision el at pouèro de nion, la tèlèvision t’endrome come un côlyon.

Enzo Jannacci. (musicien italien )

Lo 11 d'avril

Se t'ame cen que te fas, cen vôt jamês étre un travâly.

Confucio

Lo 8 d'avril

O est pas la politica qu'enfate dens lo mémo liét d'ètranjos camerârdos, mas ben lo mariâjo. 

Groucho Marx (comico ètalien)

Lo 7 d'avril

O est asse dificilo por les rechos d'aquèrir la sagèce que por les sâjos d'aquèrir la rechèce.

Epictetus (filosofo romen)

Lo 6 d'avril

J'amo, t'ames, il ame, nos amens, vos amâde, ils amont. Se tot pariér, o ètêt pas de la gramèra, mas la veretât.

Mario Moreno (Cantinflas), actor mèxiquen.

Lo 5 d'avril

Les halyons (habits) sant des signâls arrengiês, ôtrament dét, des machines a communicar.

Umberto Ecco.

Lo 4 d'avril

Sovent, reprochient ux lêvros de pèrmetre âi chalvèriens (prêsonniérs) de cavalar luen de la rèalitât.

Lec Stanislaw Jerzy (poèto et ècriven polonês juif, emgabioulâ (emprêsonâ) dens les camps nazis.1909-1966.)

Lo 2 d'avril

Diô, come 'na virgula, pôt tot changiér.

Guido Guerasio. (Cinèasto ètalien).

Lo 1 d'avril

La môda el est adés lo merior de son temps, mas cen, per mâlhor, nos l'oubliens quand o est béte.

Coco Chanel.

Lo 31 de mârs

Fére de la poèsia o est come fére l'amor: te sarés jamés se ton jouyo ‘lest partagiê. Cesare Pavese.

Lo 30 de mârs

En amor, tot gobar o est la tota premiére sorce de l'ôtoritât.

Lo 29 de mârs

Fôt atribuar més de valor a 'na dent qu'a un diamant.

Miguel de Cervantès.

Lo 28 de mârs

Lo secrèt du bonhôr, o est de cèdar a la tentacion.

Oscar Wilde.

Lo 25 de mârs

Tot cen qu'una gens pôt imaginar, quârqu'un cen farat un jorn.

Jules Verne.

Lo 24 de mârs

L'administrachon: on problèmo po tsaque soluchon.

Samuel Herbert (Hommo politico anglès (1870-1963)

Lo 23 de mârs

Lo devêr lo plles hiôt por un hommo, l'est d'empachiér que les bétes seyont tormentâyes.

Emile Zola

demâ, lo 22 de mârs

Lo succès l’est avê cen que te dèsire. Lo bonhor, l'est de volyê cen que t'as. Jackson H. Brown

Devendro, lo 17 de mârs

Sê plles sâge que les ôtres gens, se te pôs, mas te fôt pas lo lor dere.

Lord Chesterfield

Dessando, lo 8 de mârs

Les grantes nacions sè sant adés comportâyes come des bregands, et les petioutes, come des putes.

Stanley Kubrik

bottom of page