L’idèalismo, ‘l est la nôblla vetira (costumo) que les prècôds (notâblo) de la politica envortolyant dedens lor volontât de pouessience. Huxley Aldous (1894-1963) ècreven anglês.
LIÉRE EN ARPITAN
Des lèctures en ORB
Por que tués les arpitans ou francoprovençaux pouèssant sè comprendre nos propousens ique des tèxtos dens l'Ortografia de Rèfèrence B.
Bonjorn! dejâ més d'un'anaye que ceti sito 'l est en panna!
Quinta vergogne!
M'en vé cudyér recomenciér avouèc les paroles du jorn
et un tèxte rappôrt u mês de fevriér que nos ens tot justo
comenciê. En vê-te cé les premiéres legnes:
Fevriér! Por sûr que o est lo méten de l’hivèrn. La bisa ‘l est chesête, lo cièl ‘l est tot blu et lo solely tape devant l’hothâl. Tot d’on côp je l’é aouyê la charboniêre (mayence) que chantâve u cochèt (sonjon) du châo (sambuc): Titi-pu, titi-pu. Adonc mè su dét: l’hivèrn ‘l est a bu (sur lo poent) de veriér. o y avêt muens d’oura, l’êr ére franc avouèc come una blossiê de galésa doçor, un avant-gôt des bèlles jornâyes du forél que s’amenâvant tot pllan.