Çti dessando dèrriér, o étêt lo doux de fevriér, la féta de la Chandelosa. Fôt sè ressovenir que lo doux de fevriér, o est quaranta jorn aprés Chalendes, et que chiéz les Juifs, per Jèrusalêm, la lê volyêve que les bouèbos seyont amenâs u Templlo por étre presentâs u Sègnor. La Chandelosa, o est lo ressovenir de la presentacion de Jèsus u Templlo.

Mas dês lo tot vielyo temps, les homos ant marcâ l’anâye en fasent tot du long des fétes : por que lo temps sè rechôdeye, ils alumâvont des fuès et des aféres d’ense. Vers lo méten de l’hivèrn, fasant les « Brandons ». Tot s’est mèlangiê.

Adonc, ils ant enventâ des ditons por la Chandelosa. Per chiéz nos, lo diton que revint lo plles sovent est :

« A la Chandelosa,

Se les ponts sont pas fêts,

Sè fant,

Quand sont fêts,

Sè dèfant.»

Mas quints ponts ? Les ponts de gllace sur les riâls. Çta anâye, semblle prod que lo revérs est veré, dês que çlos dèrriés jorns, o at niu. Chiéz nos, per la Gôlye (la Goille) et lo Chalèt-a-Gobèt, en est chesu una quinzêna de centimètros du dessando tant qu’u delon. O at falyu cen remassiér et paletar devant les hotâls et devant les garâjos por povêr alar sè promenar avouéc lo char a pètrole.

 

                                                                                                      Vers-chiéz-les-Bllancs, lo cinq de fevriér 2008

                                                                                                                                        Les ècouliérs du demârs.

Transcrit en ORB per Menjot de la Peca.

 

Mas a de bon devant que d’étre chrètièna la Chandelosa, féta dâi tsandèle «festa candelarum» el at en premiér ètâ una anciana féta payèna (cèlta) et latina. NM

​

​